Европын хамгийн нэр хүндтэй тэмцээн болох Аваргын лигийн хэсгийн тоглолтууд үргэлжилж байна. Өнгөрсөн шөнө А, В, С, D хэсгийн 4-р тойргын тоглолтууд боллоо. С хэсгийг хожигдолгүйгээр тэргүүлж байгаа Английн "Манчестер Сити" клуб Грекийн "Олимпиакос"-ын талбайд зочилж 1-0 харьцаагаар хожлоо. Тоглолтын цорын ганц гоолыг 36 дахь минутад Стерлингийн дамжуулалтаар Фоден оруулжээ. Улмаар дөрвөн 4 тоглолтод 4 хожилтой болж 12 оноотойгоор С хэсгийг тэргүүлж байгаа бол "Олимпиакос" 1 хожил, 3 хожигдолтой, 3 оноотойгоор хүснэгтийн 3-рт бичигдэж байна.

Харин энэ хэсгийн нөгөө тоглолт Португалийн "Порту" клуб Францийн "Марсель"-ийн талбайд зочилж 2-0 харьцаагаар хожлээ. Тоглолтын салхийг 39 минутад Сануси гоолдсон бол эцсийн 72 Сержиу Оливейра торгуулийн цохилтоос оруулжээ. Улмаар "Порту" 7 оноотой болсон бол "Марсель" 1 оноотойгоор сүүл мушгиж байна.