Зүүнбаян-Тавантолгой чиглэлийн төмөр замд галт тэрэг замаас гарч осолдсон. Тодруулбал, Дорноговь аймгийн Булангийн Шанд өртөөний ойролцоо өнгөрсөн шөнө 23:30 цагт вагон хөдлөөд 00:20 цагийн үед осолдсон. Цуваанд нийтдээ 17 вагон явснаас 14 вагон нь төмөр замын рейс төмөр, гурван вагон нь төмөр бетон, дэр ачиж явсан. Галт тэргэнд гурван хүн явсан байна. Тэдний биеийн байдал сайн, хүндээр гэмтээгүйг мэдээллээ. Осолдсон галт тэрэгний машнист согтуу байсан, хурд хэтрүүлсний улмаас осол гарсан гэж Зам, тээврийн хөгжлийн сайд С.Бямбацогт хэллээ. Осолдсон галт тэргэнд Ханги-Мандал чиглэлийн төмөр замын ажилд ашиглах эд зүйлсийг ачиж явсан байна.

Одоо газар дээр нь сэргээн босгох анги, онцгой, цагдаа, тагнуулын нэгдсэн баг гаран ажиллаж байгаа бөгөөд энэ талаар ЗТХЯ аас удахгүй мэдээлэл хийх юм байна.