FIBA 3x3 сагсан бөмбөгийн зургаа дахь удаагийн Азийн аварга шалгаруулах тэмцээн гуравдугаар сарын 29-нөөс дөрөвдүгээр сарын 2-нд Сингапур улсад болно.

Тус тэмцээнд Монгол Улсын эрэгтэй болон эмэгтэй шигшээ баг бүрэлдэхүүн тодорчээ.

Эрэгтэй багт Ариунболдын Ананд, Даваасамбуугийн Дэлгэрням, Энхбатын Дөлгөөн, Онолбаатарын Энхбаатар, эмэгтэй багт Бат-Эрдэнийн Ариунцэцэг, Цэнджавын Болорцэцэг, Онолбаатарын Хулан, Мөнхсайханы Цэрэнлхам нар сонгогдсон.

Сонирхуулахад, Азийн аваргад манай эрэгтэй баг 2017 онд түрүүлж 2018, 2019 онд мөнгө, эмэгтэй баг 2013 онд хүрэл медаль тус тус хүртэж байв.