Хорих ангиас гуравдугаар сарын 4-5-нд шилжих шөнө 2 хоригдол оргож, нэгийг нь өчигдөр Багануур дүүргийн нутаг дэвсгэрээс олж, баривчилсан.

Тодруулбал, Тус ангийн уурын зууханд галчаар ажиллаж байсан 2 хоригдол 2024 оны гуравдугаар сарын 04-ний шөнө оргосон бөгөөд Шүүхийн шийдвэр гүйцэтгэх байгууллагаас эрэн сурвалжлах ажиллагааг шуурхай эхлүүлж, нэг хоригдлыг Багануур дүүргийн нутаг дэвсгэрээс баривчилсан. Харин нөгөө оргосон хоригдол болох Г-г эрэн сурвалжлах ажиллагааг үргэлжлүүлсэн бөгөөд өчигдөр шөнө буюу 2024 оны гуравдугаар 05-ны шөнө Хэрлэнгийн гүүр орчмоос 02:00 цагийн үед барьжээ.