NBA-ын улирал эхлэхэд долоон хоног үлдээд байна. Өнөөдрийн эхний тоглолт өнгөрсөн жилийн аварга баг Клевлэнд Кавалерс талбай дээрээ Вашингтон Уйзардс багтай тоглолоо.

Тоглолтын эхлэлийг Клевлэнд гайхалтай тавьж 35-25 харьцаагаар илүүрхэж байсан ч үлдсэн гурван үед тааруухан тоглож 96-91 харьцаагаар улирлын өмнөх зургаан тоглолтын хоёрт нь хожигдож, дөрөвт нь хожигдлоо. Харин зочин багийн хувьд гурван хожил, гурван хожигдолтой байна.

Тус тоглолтод Жон Уолл 17 оноо, 4 самбараас бөмбөг авч, 5 оновчтой дамжуулалтыг үзүүлсэн бол сэлгээнээс Никольсон 19 оноо, 8 самбараас бөмбөг авч, Торнтон 16 оноогоор тусалжээ. Харин эсрэг багаас Леброн Жеймс 18 оноог авсан бол Томпсон 14 оноо, 10 самбараас бөмбөг авчээ.