Швейцарийн Нион хотноо өчигдөр Аваргуудын лигийн хасагдах шатны сугалаа татах ёслолын ажиллагаа болж өндөрлөлөө. Ингэснээр хасагдах шатанд үлдсэн шилдэг 16 багийн оноолт гарсан юм.

Тэр дундаас хамгийн сонирхол татсан нь “Баейрн” талбайдаа “Арсенал”-ыг хүлээж авах тоглолт болоод байна. “Арсенал” хэсгээс нэгээр гарсан бөгөөд хоёроор гарсан хүчтэй  багуудаас “Байерн”-ыг татчихаж байгаа нь энэ. Тэгвэл Францийн “ПСЖ” клуб хоёроор гарсныхаа горыг амсч, Испанийн “Барселона”-тай туллаа. Энэ тоглолт нэлээд ширүүхэн болох нь дамжиггүй биз ээ.

Шөвгийн 16-гийн оноолт

“Манчестер Сити” – “Монако”
“Реал Мадрид” – “Наполи”
“Бенфика” – “Боруссия Дортмунд”
“Байерн Мюнхэн» – “Арсенал”
“Порто” – “Ювентус”
“Байер” – “Атлетико Мадрид”
“ПСЖ” – “Барселона”
“Севилья” – “Лестер”                    

Аваргуудын лигийн хасагдах шатны тоглолтууд ирэх оны хоёрдугаар сарын 15-наас эхлэх бөгөөд “Порто” болон “Ювентус”, “ПСЖ”, “Барселона” багуудын тоглолтоо “хөшиг”-өө нээнэ.