Францийн “France Football” сэтгүүлээс оны шилдэг хөлбөмбөгчинд олгодог “Алтан бөмбөг” шагналыг “Реал Мадрид” клубын довтлогч Криштиано Роналдо авлаа. Португал хөлбөмбөгч ийнхүү замналынхаа дөрөв дэх “Алтан бөмбөг”-ийг авч байгаа нь энэ. Тэрбээр 2008, 2013, 2014 онд энэхүү нэр хүндтэй шагналыг авч байсан юм.

Роналдо 2016 онд “Реал”-ын хамтаар Аваргуудын лигт, Португалын шигшээ багтай Европын аваргад түрүүлсэн билээ. Мөн 2016 онд нийт 55 тоглолтод оролцож, 51 гоол оруулж, 17 гоолын дамжуулалт өгсөн байна.

Тэрбээр нэр дэвшигчдээс хамгийн олон саналыг нь авсан. Тэгвэл Месси түүний дараа Месси орсон бол Антуан Грзманн 3, Луис Суарес 4, Неймар 5, Гарет Бейл 6, Рияд Махрез 7 дугаарт жагссан байна.