Италийн Сери А лигийн 17 дугаар тойргийн эхний хоёр тоглолт өнгөрсөн шөнө боллоо. Энэ тойрог хүснэгтийг тэргүүлэгч “Ювентус” талбайдаа араасаа нэхэж байгаа “Рома”-г хүлээж авч, 1:0-ээр буулгаж авлаа. Ингэснээр 42 оноотой болж, “Рома”-гаас 7 онооны илүүтэй болж байна.

Тоглолтын хувь заяаг шийдсэн цорын ганц гоолыг 14 дэх минутад Игуаин оруулсан байна. Ингэснээр тэрбээр Сери А лигт энэ улиралд 10 дахь гоолоо оруулж, мэргэн буучийн жагсаалтын 4 дүгээр байрт бичигдэж байна.

Энэ тойрогт хүснэгтийн гуравдугаар байрт бичигдэж байгаа “Милан” клуб талбайдаа “Аталанта”-г хүлээж авч, хуурай тэнцлээ. Ингэснээр 33 оноотой болж, “Рома”-гийн шилэн дээр дарж ирж байгаа юм.