Жүдо бөхийн 2017 оны жүдо бөхийн насанд хүрэгчдийн улсын аварга шалгаруулах тэмцээн үргэлжилж байна. Тэгвэл дөнгөж саяхан 66 кг-ын жингийн гал гарсан барилдаанууд болж, шилдэг тамирчид тэмцээнээ өндөрлүүллээ.

Өнгөрсөн жилийн 66 кг-ын улсын аварга А.Батсуурь хоёрдугаар тойрогт залуу тамирчин н.Мөнхчулуунд ялагдаж, тэмцээнээ дуусгалаа. Тэрбээр барилдааны төгсгөлд үүрэх мэх хийх гэж байж оноо алдсанаар ялагдсан юм.

Харин энэ удаагийн улсын аваргад жин өгсч барилдсан дэлхийн аварга Г.Болдбаатар 66 кг-ын шилдэг бөх Д.Алтансүхтэй барилдаж, нэмэлт цагт торгуулиар ялагдсанаар тэмцээнээ өндөрлөлөө. Харин Д.Алтансүх шилдэг наймд үлдэж байгаа юм.