Хөдөө орон нутагт цас их орсны улмаас зарим аймаг зудын байдалтай байгаа билээ. Тэгвэл Засгийн газраас өвөлжилт хүндэрсэн аймгуудаас мах бэлтгэхээр төлөвлөжээ. Тодруулбал, өвөлжилт хүндэрсэн, зудын байдалтай аймгуудаас 30 мянган тонн мах бэлтгэхээр төлөвлөөд байна.

Энэхүү шийдвэрийг гаргаснаар малчид орлоготой болохоос гадна төв суурин газрын иргэдийг махаар хангах давуу талтай гэж үзэж байгаа аж. нийслэлийн хэмжээнд махны үнэ тогтвортой байсан хэдий ч өсч эхэлсэн. Энэ нь нийлүүлэлт багассантай холбоотой хэмээн мэргэжилтнүүд үзэж байгаа аж. Тиймээс энэхүү шийдвэрийг гаргасан байна.