Японы мэргэжлийн сүмо бөхийн нэгдүгээр сарын барилдаан буюу Хацү башёгийн ес дэх өдрийн барилдаан дууслаа.

Мэргэжилийн сүмогийн 69 дэх их аварга Хакүхо М.Даваажаргал комосүби Такаясүтэй барилдлаа. Хоёр бөх нийт 16 барилдснаас 15-д их аварга даваад байсан ч өнөөдөр унаж долоон даваа хоёр унаатай боллоо. Харин 71 дэх их аварга Какүрю М.Ананд маегашири 3-ээс барилдаж байгаа Икойтой барилдан мөн адил унаж таван даваа дөрвөн унаатай болсон юм. Өчигдөр Хакүхо М.Даваажаргалыг өвдөг шороодуулсан  Араваши Э.Дөлгөөн өнөөдөр Озеки Терүнофүжи Г.Ган-Эрдэнэтэй барилдан давж гурван даваа зургаан унаатай болжээ.

Тус башёг ганцаараа тэргүүлж байсан озеки Кисеносато өнөөдөр озеки Котошогекүд өвдөг шороодож нэг унаатай болсон бол Таканойва А.Баасандорж мөн адил нэг унаатайгаар башёг хоёр бөх тэргүүлж эхэллээ. Түүний араас Хакүхо М.Даваажаргал, Ичиножү А.Ичинноров, Сококура, Хокүтофүжи нар хоёр унаатайгаар араас нь нэхэж байна.

Маргааш Хакухо М.Даваажаргал маегашири 3-ээс барилдаж байгаа Икойтой барилдах бол Какарю М.Ананд нутгийн бөх секиваки Тамаваши Б.Мөнх-Оргилтой барилдана.

Бусад бөхчүүд
Ёкозүна Хакүхо М.Даваажаргал 7-2
Ёкозүна Харүмафүжи Д.Бямбадорж 4-3 гэмтсэн
Ёкозүна Какүрю М.Ананд 5-4
Озеки Терүнофүжи Г.Ган-Эрдэнэ 4-5
Секиваки Тамаваши Б.Мөнх-Оргил 5-4
Маэгашири-2 Араваши Э.Дөлгөөн 3-6
Маэгашири-6 Чиёошома Г.Мөнхсайхан 4-4
Маэгашири-10 Таканойва А.Баасандорж 8-1
Маэгашири-13 Ичиножү А.Ичинноров 7-2