Баянгол дүүргийн II хороонд таван иргэн“Мөнхжин-Од” компанийн үйлдвэрлэсэн “Найрсаг” архинд хордож нас барсан хэрэг өнгөрсөн даваа гарагт гарсан.

Үүнтэй холбогдуулан Нийслэлийн захирагчийн албанаас хамтарсан ажлын хэсэг гарган ажиллаж байгаа билээ. Ажлын хэсгээс нийслэлийн хэмжээнд энэ сарын 17-ны 18:00 цагаас энэ сарын 20-ныг дуустал архи, согтууруулах ундааны зүйлийг худалдахыг хориглосон. Энэхүү хоригийг Шүүх эмнэлгийн хариу гараагүй. Тиймээс хаана үйлдвэрлэсэн нь тодорхойгүй хортой архи гар дээрээс худалдаалж байж болзошгүй учраас иргэдийн эрүүл мэндийг хамгаалахын тулд гаргасан байна.

Гэвч иргэд өөрсдийн хариуцлагагүй, ухамсаргүй байдлаас болж нууцаар гар дээрээс архи худалдаалан, мөн авч хэрэглэсэн тохиолдлууд гарч байгаа талаар Улаанбаатар хотын цагдаагийн газраас мэдээллээ. Тухайлбал, Баянгол дүүргийн I хорооны нутаг дэвсгэрт шөнийн 00:00 цагийн үед 38 настай Б “Toyota Crown” автомашинд ОХУ-д үйлдвэрлэсэн нийт 12 ширхэг архийг хууль бусаар худалдан борлуулж байсныг илрүүлэн, эд мөрийн баримтаар хураан авсан байна.

Мөн тус дүүргийн IX хороонд ”Горький ... тоотод суух 29 настай М шөнийн 00:50-д “Улаанбаатар” архи 0.5 гр нэг, “Сэнгүүр” 2.5 л шар айраг 12 ширхгийг хууль бусаар худалдан борлуулж байжээ. Түүнчлэн Баянзүрх дүүрэгт мөн л “Жигуловская” 2.25л шар айраг 6, “Соёрхол” 0.5 л архи хоёр, 0.75л архи хоёр ширхгийг хууль бусаар худалдан борлуулж байгаад баригджээ.