Испанийн цомын тэмцээний ¼ шигшээн эхний хоёр тоглолт өнгөрсөн шөнө боллоо. Энэ тойрогт Испанийн алдарт “Реал Мадрид” клуб талбайдаа “Сельта”-г хүлээж авч, 1:2-оор хожигдлоо. Тоглолтын 64 дэх минутад Яго Аспас “Сельта”-д тэргүүлэл авчирч. Харин Марсело 69 дэх минутад тэнцүүлжээ. Гэвч 70 дахь минутад Кастро хариуг нь барьснаар “Реал” хоёр тоглолт дараалан хожигдлоо.

Гэхдээ хариу тоглолт энэ сарын 25-нд “Сельта”-гийн талбайд болно. Энэ тоглолтод “Реал” хожиж, хагас шигшээд үлдэх бүрэн боломжтой. Мөн энэ тойрогт өнгөрсөн шөнө “Алькоркон” клуб талбайдаа “Алавес”-ыг хүлээж авч, 0:2-оор хожигдсон. Ингэснээр “Алавес”-т дараагийн шатанд үлдэх боломж илүү боллоо. Тэд хариу тоглолтыг талбайдаа хийх билээ.