Баянхонгорчуудын саналыг хэдхэн хоногийн хугацаагаар шилжин ирсэн сонгогчид үнэгүйдүүлэхийг санаархаж байгаа талаар мэдээлэл цацагдаад байсан. Тиймээс ч  Баянхонгор аймгийн Ардчилсан намаас “царцаа” иргэдийг өөр өөрсдийн оршин суугаа хаягтаа саналаа өгөхийг уриалаад байсан билээ.

Тэгвэл өнөөдөр “царцаа” зөөх этгээдүүд цагаандаа гарч, машин машинаар зөөж байгаа талаар иргэд өөрсдийн фэйсбүүк хуудсаар мэдээлсээр байна. Баянхонгор аймаг буюу УИХ-ын есдүгээр тойрогт 1909 буюу хамгийн их “царцаа” шилжүүлгээ хийлгэсэн гэнэ.

Тухайлбал, Баян-Овоо сумын сонгогчдын тоо 1794 юм байна. Харин үүнээс 180 сонгогч нь “Эм Си Эс-ийн “царцаа”-нууд байгаа гэх мэдээллийг эх сурвалж өгч байна.

Одоогийн байдлаар Баянхонгор аймгийн VII тойрог 35.6, VIII тойрог 32.8, IX тойрог 27.3 хувийн ирцтэйгээр сонгуулийн үйл ажиллагаа явагдаж байна.