“Бүгчим зун”, “Галзуу макс”, “Хатан зоригтон” гэх мэт дэлгэцийн бүтээлд бүтээсэн дүрээрээ манай үзэгчдийн дунд хэдийнэ алдаршсан 61 настай жүжигчин Мел Гибсон ес дэх хүүхдээ өлгийдөн авчээ. Тэрбээр өнгөрөгч есдүгээр сард хоёр жил хамтран амьдарч буй найз бүсгүй нь удахгүй амаржих талаар олон нийтэд мэдээлж байсан юм.

Тэгвэл найз бүсгүй нь өнгөрөгч долоо хоногт Лос-Анжелес хотын эмнэлэгт амаржиж, хүү төрүүлжээ. Хосууд хүүдээ Ларс Жерард Гибсон гэх нэр хайрласан байна. Гибсон “Галзуу Макс” киноны нэгдүгээр ангид тоглосныхоо дараа Робин Денис Мур гэх эмэгтэйтэй гэр бүл болж, тэдний дундаас долоон хүүхэд төрсөн байдаг.

Гэвч 20 гаруй жил хамт амьдарсны эцэст 2006 оноос тэд тусдаа амьдарч, 2009 оны дөрөвдүгээр сард албан ёсоор цуцлуулж байсан юм. Дараа нь Гибсон  Оросын төгөлдөр хуурч, дуу зохиогч Оксана Григорьеватай хамтран амьдарч эхэлсэн байдаг. Тэдний дундаа нэг охин төрсөн нь бий.  Гэвч хосуудын харилцаа удаан үргэлжлээгүй төдийгүй  жүжигчин эр 2014 оноос одоогийн найз бүсгүйтэйгээ хамт амьдрах болсон удаатай. Найз бүсгүй Росалинд Росс эдүгээ 26 настай юм.