Чөлөөт бөхийн эрэгтэй багуудын Дэлхийн цомын төлөөх тэмцээн энэ сарын 16-17-нд Иран улсын Керманшах хотод болох билээ. Дэлхийн цомын төлөөх тэмцээнд оролцох Монголын шигшээ багийн залуус Эко спорт цогцолборт бэлтгэлээ хийж байгаа юм.

Монгол Улсын баг энэ тэмцээнд 2014 оноос оролцож байгаа юм. Тэмцээний шагналын сан 50 мянган ам.доллар. Түрүүлсэн баг 25, хоёрдугаар байрт шалгарсан баг 15, гуравдугаар байрт шалгарсан баг 10 мянган ам.долларын шагнал хүртэнэ. Тэгвэл манай шигшээ баг тэмцээний В хэсэгт Энэтхэг, Иран, Туркийн багтай нэг хэсэгт багтсан байна.