Попын гүнж Бритни Спирсийн дүү  дуучин,  жүжигчин Жейми Линн Спирсийн найман настай охин авто осолд орж, хүнд гэмтжээ. Эдүгээ 25 настай Жейми Линн 17 насандаа жирэмсэлж, Мэдди Брайн гэх хөөрхөн охиноо төрүүлж, тухайн үедээ л шар хэвлэлд дуулиан тарьж байсан удаатай.

Гэвч эдүгээ найман настай болсон Жейми Линний охин Мэдди Луйзанна мужид ATV машинаар явж байхдаа осолд орж, хүнд гэмтжээ.  Охины жолоодож явсан ATV машиныг долоон насных нь төрсөн өдрөөр ээж нь бэлэглэж байжээ.

Охин хэдэн минутын турш усанд байсан бөгөөд эдүгээ ухаангүй байгаа гэнэ. Осолд орох үед нь Жейми Линн охинтойгоо хамт байгаагүй ажээ. Охиныг нисдэг тэргээр эмнэлэгт хүргэсэн байна.  Бритни Спирс ч энэ тухайгаа сошиал сүлжээндээ бичиж, зээ дүүгийнх нь төлөө залбирахыг хүсчээ.