"Үлэг гүрвэлийн цурхираан" жагсаал зохион байгуулахаар болжээ. Тус жагсаалыг Шинжлэх ухааны академийн Палеонтологи, геологийн хүрээлэнгийн байрыг Баянзүрх дүүргийн Прокурорын газарт балансаас баланст шилжүүлэх тухай Шийдлийн Засгийн газрын 270 дугаар тогтоолыг цуцалж өгөх асуудлаар "Шинжлэх ухаанаа аваръя" түр хороо байгуулсан билээ. "Шинжлэх ухаанаа аваръя" түр хороо, Шинжлэх ухааны байгууллагуудын Үйлдвэрчний эвлэлийн нэгдсэн хорооноос энэ сарын 16-ны өдөр хэвлэлийн бага хурал хийж, хариуг энэ сарын 21-нд бичгээр авахаар Ерөнхий сайдад шаардлага хүргүүлсэн байна.

 

Гэвч Ерөнхий сайдын ажлын албанаас албан ёсны хариу ирээгүй ажээ. Тиймээс "Ажлын байрыг минь буцааж өгөөч" гадаа ажиллах эсэргүүцлийн хөдөлгөөнийг хугацаагүй зохион байгуулахаар шийдвэрлэсэн гэнэ. Тус жагсаалд шинжлэх ухааны салбарын ажилчид оролцох бөгөөд Палеонтологи, геологийн хүрээлэнгийн эрдэмтдийн олон арван жилийн турш судлан цуглуулсан дэлхий ховор сонин үлэг гүрвэлийн үзмэрүүдийг авч ирэх юм байна.