Өнгөрсөн амралтын өдрүүдэд орон нутгийн замд ноцтой осол гарч, таван хүний амь эрсэдсэн байна.

Тодруулбал, Дорноговь аймгийн Замын-Үүд сумаас хойш 44 км-т T.Camry  маркийн авто машины жолооч Н нь Suzuki Alto  маркийн Д жолоочтой авто машинтай мөргөлдөж зорчигч 50 настай эмэгтэй Б нарын таван хүний амь хохирчээ.

Мөн Баян-Өлгий аймгийн төвөөс зүүн тийш 30 км-т Алтанцөгц сумын нэгдүгээр багийн нутаг “Ургамлын хөтөл” гэх газарт Uaz  маркийн Б жолоочтой авто машин онхолдож зорчигч 52 настай эмэгтэй А-ийн амь хохирсон байна.

Тиймээс хөдөө орон нутгийн замд анхаарал болгоомжтой байж, хурдаа хэтрүүлэхгүй байхыг Улаанбаатар хотын замын цагдаагийн газраас анхаарууллаа.