Дархан-Уул аймгийн Засаг даргын Тамгын газраас энэ сарын 24-нд  “Төр, нийгмийн түншлэл-2017” зөвлөгөөн зохион байгуулахаар болжээ.

Энэхүү зөвлөгөөн анх удаа зохион байгуулагдаж байгаа бөгөөд тус аймгийн Засаг даргын 2017 оны үйл ажиллагааны хөтөлбөр, 2017-2020 онд аймгийн нийгэм, эдийн засгийг хөгжүүлэх зорилтын хүрээнд төр, хувийн хэшлийн хамтын ажиллагааг өргөжүүлэх, төрийн бодлого боловсруулахад иргэн, ТББ-ын саналыг тусгаж, оролцоог нэмэгдүүлэх зорилготой юм байна.

Мөн “Төр, нийгмийн түншлэл-2017” зөвлөгөөний үеэр Дархан-Уул аймгийн Засаг даргын мөрийн хөтөлбөрт ирэх жилүүдэд хийж хэрэгжүүлэхээр тусгасан бодлого, шийдвэр, төсөл, хөтөлбөрүүдийн талаарх мэдээллийг оролцогчдод танилцуулах бөгөөд зөвлөгөөнөөс гарсан үр дүн, шийдвэрийн төслийг танилцуулж, батлах гэнэ.

Дашрамд сонирхуулахад, өнөөдөр зөвлөгөөнтэй холбогдуулан аймгийн Иргэний танхимтай хамтран “Нээлттэй хэлэлцүүлэг” зохион байгуулж, иргэд, төрийн бус байгууллагуудын саналыг авах юм байна.