Дөрөвдүгээр сарын 15-нд бүжгийн сургалтад явахаар гараад ор сураггүй алга болсон хүүхдийн талаар сошиал ертөнцөд шуугиж байсан билээ. Тэгвэл хүү тав хоногийн дараа эсэн мэнд олдсон аж. Улмаар хүүг эмчлүүлж байгаа гэдгээ ээж нь өөрийн фэйсбүүк хуудсаар дамжуулан мэдэгджээ. Тэгвэл хүүг таван залуу нийтийн байранд хорьж байсныг талаар “medee.mn” сайтад хүүгийн аав ярьжээ.

Тодруулбал 18-20 орчим насны хэдэн залуус хүүг өөрсдийн амьдардаг нийтийн байранд аваачиж хорьж байсан бөгөөд гар утсыг нь дээрэмдэн ломбардад тавьж олсон мөнгөөрөө PC тоглож байсан ажээ. Мөн энэ хэргийг Сонгинохайрхан дүүргийн цагдаагийн хоёрдугаар хэлтэст шалгаж байгаа юм байна. Хүүгийн аав, ээжид нэгэн эмэгтэй мэдээлэл өгсөн бөгөөд өмнө нь охиноо алдаж байсан удаатай гэнэ. Нийтийн байранд хүүгээс гадна гурван ч хүүхэд хоригдож байсан гэх мэдээллийг хүүгийн аав өгчээ.

Одоогоор цагдаагийн байгууллагаас энэ мэдээллийг батлаагүй ч хэрвээ энэ мэдээлэл үнэн бол эдгээр таван залуусыг олон нийтэд ил тод мэдээлэх учиртай. Хүн хулгайлах гэмт хэрэг маш ноцтой. Цаашлаад олон ч хүмүүс ч сэрэмжлүүлэг болгох үүднээс мэдээллийг ил тод өгч, хүүхдээ хараа хяналтгүй орхихгүй байхыг сануулах учиртай юм.