Орон нутагт шаварт суух, үерийн усанд боогдох дуудлага тасрахгүй байгаа юм. Тодруулбал, өчигдөр Өмнөговь аймаг Даланзадгад сумаас 25 км-т Ханхонгор сумын нутаг дэвсгэрт морь барьдаг товог гэдэг газар жалганд үерт автан шаварт суусан зургаан автомашин байна гэсэн дуудлагыг Өмнөговь аймаг Онцгой байдлын газар хүлээн авчээ.

Дуудлагын дагуу шалгахад 16 том, долоон бага насны хүүхдийн амь насыг аварсан байна. Нийт нутгаар энэ сарын 21-нээс 23-ны өдрүүдэд бороо орж, салхины хурд ширүүсэх бөгөөд үер усны аюулаас сэрэмжилэхийг ОБГ-аас сануулж байгаа.