“Орхон” голын гүүрэн дээр осолдсон Австрали улсын иргэнийг аварчээ
Сэлэнгэ аймгийн Сайхан сумын “Орхон” голын гүүрний зорчих хэсэгт мотоцикльтой зорчиж байсан Австрали улсын хоёр иргэн хоорондоо мөргөлдөж, хүнд гэмтсэн ноцтой осол энэ сарын 24-ний өдрийн 17:15 цагт гарчээ.
Ослын газар ОБЕГ-ын Гамшгийн шуурхай удирдлагын газрын дарга, онцгой байдлын хурандаа Б.Ууганбаяр, Сэлэнгэ аймгийн Сайхан суман дахь Гал түймэр унтраах, аврах 61 дүгээр ангийн дөрвөн алба хаагч, нэг техник хэрэгсэлтэйгээр ажилласан байна.
Тэд Австрали улсын иргэн Андриа Броснан (39 настай, эмэгтэй)-д яаралтай эмнэлгийн анхан шатны тусламж үзүүлсэн байна. Улмаар тус аймгийн Сант суманд зам тавьж байсан зам ангийн “Ланд Круйзер” 77 маркийн автомашинаар Дархан-Уул аймгийн Нэгдсэн эмнэлэгт хүргэжээ.
Өнөөдрийн байдлаар Австрали улсын иргэн Андриа Броснан Улаанбаатар хотод хүргэгдэн ирж, Гэмтэл, согог судлалын үндэсний төвд хэвтэн эмчлүүлж байгаа аж.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
