Хэдхэн хоногийн өмнө Мэргэжлийн Засгийн газар үлдсэн дөрвөн сайдын асуудлыг чууганы нэгдсэн хуралдаанаар хэлэлцэн шийдвэрлэсэн. Тэгвэл тус хуралдаанаар Бариллга хот байгуулалтын сайдын асуудлыг хэлэлцэх үеэр гишүүд иргэдийн дургүйцлийг хүргэх олон зүйлийг ярьж, хэлсэн талаар цахим ертөнцөөр шуугиж байна. 

 

Тухайлбал, олон олон цалингаасаа өөр орлого байхгүй дундаж амьдралтай хүмүүсийг орох оронтой болгоод байгаа гэр хорооллын дахин төлөвлөлт, түрээсийн орон сууцны асуудал Төрийн Орон Сууцны Корпораци, орон сууцны ипотекийн зээл гээд олон асуудалд шүүмжлэлтэй хандаж байгаагаа хэлж байв. Энэ нь иргэдийн нэлээд бухимдуулаад авлаа. 

 

Тухайлбал, УИХ-ын гишүүн М.Оюунчимэг “Төрийн Орон Сууцны Корпораци гэдэг нэг байгууллага байгаад байгаа. Юу хийдэг нь мэдэгдэхгүй. Энэ байгууллага цаашид байлгах хэрэг байна уу” хэмээсэн бол УИХ-ын гишүүн Ц.Нямдорж “түрээсийн орон сууц гэх нэг юм яваад байгаа. Үүнийг сайн үзэх хэрэгтэй байна. Асар их хэмжээний хөрөнгө гаргаж бариад, сарын 200 мянган төгрөгөөр түрээслүүлнэ гэж байхгүй биз дээ. Энэ бол түр зуурын заль” хэнээн шүүмжлэлтэй хандах гишүүд олон байлаа. Тиймээс тун удахгүй иргэд байртай болж буй гарцуудыш үнэмлэхүй ялалт байгуулсан МАН-ынхан хаах гэж байна уу гэх айдаст автаад байна. 

 

Магадгүй УИХ-ын гишүүд өөрсдийн мөнгөөр элдэв асуудалгүй байр, оронтой болсон байж болох. Харин цалингаас цалингийн хооронд амьдарлаа богох гэж зүтгэж яваа залуу хосуудын амьдарлаар битгий тоглосон шийдвэр гаргаарай гэж захимаар байна. Үнэхээр Орон Сууцны Корпораци гэдэг байгууллага юу хийдэг гэдгийг мэдэхгүй хүн гишүүн болсон уу, муулаад байгаа төсөл хөтөлбөрүүдээр хэчнээн хүн орон сууцтай болсон гэдгийг мэдэхгүй байгаа юу. Эсвэл зүгээр л улс төрийн шоу хийж байгаа юу. Юутай ч барилгын салбарын асуудалд болгоомжтой шийдвэрүүдийг гаргах шаардлагатай байна. 

 

Хэдийгээр эдгээр ажил алдаа, оноо байж болох хэдий ч иргэдийг мянга мянгаар нь орон сууцтай болгож чадсан. Гэтэл салбарын садыг томилох асуудлыг ярих үеэр гишүүдийн энэ мэт ярьсан зүйлийг сонссон олон хүн үнэмлэхүй ялалт байгуулсан МАН-ын эдгээрийг зогсоох вий, орон оронгүй болгох вий гэсэн айдастай тээгээд байна. 

 

Тиймээс хэдийгээр АН-ын эхлүүлсэн ажил ч гэлээ. Ард түмний амьдарлаар улс төрийн шоу хийж болохгүй гэдгийг ухаарч буй биз. Амжилттай хэрэгжээд явж байгаа хөтөлбөрүүдийг оролдож байхаар түүнээс сайныг нь хийгээрэй МАН-ыхан.