Энэ сарын 14-нд Н, Г нарын залуус бүлэглэн бусдын эд зүйлсийг хулгайлсан хэрэг гарчээ. Тодруулбал, Хан-Уул дүүргийн 15 дугаар хорооны нутагт байх “Цэлмэг” хотхоны гаднаас цүнхтэй эд зүйлээ алдлаа” гэсэн мэдээлэл энэ сарын 14-нд цагдаагийн газарт иржээ.

Дуудлагын дагуу шалгахад БНХАУ-ын ӨМӨЗО-ны иргэн 39 настай эрэгтэй Ж.Л-ийн “ТOYOTA ESTIMA” автомашинаас 4.970.000  төгрөг болон 6.000 юань, банкны виза карттай хар өнгийн цүнхийг Орхон аймгийн Баян-Өндөр сумын иргэн 34 настай эрэгтэй Н, Хан-Уул дүүргийн зургадугаар хорооны харьяат 55 настай эрэгтэй Г нар бүлэглэн хулгайлсан байна.  

Тус хэргийг Хан-Уул дүүргийн Цагдаагийн I хэлтэст шалгаж байгаа ажээ.