Самар түүх гэж яваад золгүй байдлаар өндрөөс унаж амиа алдсан харамсалтай хэргүүд цагдаагийн байгууллагад бүртгэгджээ. Тухайлбал, өчигдөр Чингэлтэй дүүргийн 19 дүгээр хороо “Яргайтын зусланд модон дээрээс хүн унаж нас барсан байна” гэсэн мэдээлэл цагдаагийн байгууллагад ирсэн байна.

Тус мэдээллийн дагуу шалгахад Чингэлтэй дүүргийн 19 дүгээр хороонд суух 40 настай эрэгтэй Б самар түүхээр модонд авирч байгаад унаж нас барсан байна.

Мөн Баянзүрх дүүргийн 20 дугаар хороо “Гачууртын Бурхантын аманд самар түүж байсан хүн модноос унаж нас барсан” гэсэн мэдээллийн дагуу шалгахад, Баянзүрх дүүргийн есдүгээр хороонд суух 36 настай эрэгтэй Ё нь самар түүхээр модонд авирч байгаад найман метрийн өндрөөс унаж амиа алджээ.

Тиймээс самар түүхээр явж байгаа иргэд тусгай зөвшөөрөл авч, өөрсдийнхөө аюулгүй байдлыг хангаж, модонд авирахыг холбогдох албанаас анхааруулж байна.