Нийслэлийн Засаг дарга С.Батболд ажлаа авснаасаа хойш юу хийх учраа нэг л олж өгөхгүй л явна. Ганц нэг үзэсгэлэн худалдаа энэ тэрхэнд очиж, хүн аалзны зурагтай цүнх худалдаж авахаас хэтрэхгүй яваа мань дарга твиттер хуудсаараа дамжуулж, шөнийн цэнгээний газруудын үйл ажиллагаагаар оролдоно гэдгээ мэдэгдлээ.

Тэрбээр “Шөнийн цэнгээний газруудыг эргүүлэн 00:00 цаг хүртэл ажилладаг болгох захирамж гаргах болно. Ер нь бол ажил тараад 00:00 цаг  гэдэг бол бүтэн зургаан цагийн хугацаа шүү дээ. Тийм олон цаг сууж уух зав хүмүүст байдаг юм болов уу” хэмээн жиргэсэн байгаа юм.

Харин хариуд нь зарим хүмүүс “Тэнд чинь хэн ч зургаан цаг суудаггүй юм. Хүмүүс янз бүрийн цагт очиж таардаг” хэмээн ойлголт өгөх гэж  үзэж.  Ямар ч байсан паб, баарны үйл ажиллагааны цагийг багасгах нь бололтой.