Испанийн “Севилья” клуб Английн “Манчестер Сити”-гийн хагас хамгаалагч Самир Насриг авах оролдлого хийх юм байна. Тус клубын спорт хариуцсан захирал Мончи Франц тоглогчийг шилжүүлж авах хэлэлцээр хийхээр төлөвлөж байгааг мэдэгдсэн ажээ.

“Севилья”-гаас Насриг “Бешикташ” клуб ч сонирхож байгаа юм байна. Хэрвээ хэлэлцээр хийгээд, асуудал шийдэгдэнэ гэвэл өнөө, маргаашийн дотор ямар нэгэн шийдэлд хүрэх бололтой.

Насри премьер лигийн гуравдугаар шатанд “Вест Хэм”-ийн эсрэг сэлгээгээр талбайд гарч, тун давгүй тоглосон. Пеп түүнийг улирал эхлэхээс өмнө илүүдэл жинтэй энэ тэр гэж гоочилж байсан ч ийн талбайд гаргасан билээ. Тэгэхээр Насри багаасаа явахгүй ч байж магадгүй юм.