Сүүлийн үед тамхинаас гарах сонирхолтой залуус электрон тамхийг ихээр хэрэглэх болсон билээ. Гэвч ашиглахад амархан, утаа гардаггүй, элдэв үнэргүй гээд давуу тал олонтой элекрон тамхи янжуураас ч илүү хүний биед хортой гэдгийг тэр бүр мэддэггүй.

Тэгвэл судлаачид, электрон тамхи зүрхэнд янжуураас ч илүү хортой нөлөөтэй гэдгийг тогтоожээ. Электрон тамхинд агуулагдах никитоноор  хүмүүс амьсгалсанаар гол судасыг гэмтээж, цаашлаад зүрхний өвчний эрсдэлийг нэмэгдүүлдэг байна.  

Судалгааны баг хэсэг тамхи татдаг хүмүүсийг оролцуулан судалгаа хийсэн байна. Судалгааны явцад янжуур тамхийг хүмүүс ихэвчлэн таван минутад л татдаг бол электрон тамхийг хагас цаг орчим хэрэглэж буй нь ажиглагджээ.  
Ерөнхийдөө аль ч тамхи нь гол судсыг гэмтээж, зүрх судасны эмгэгийг үүсгэж, цусны даралтыг нэмэгдүүлэх сөрөг нөлөөтэй. Гэхдээ электрон тамхийг илүү урт хугацаанд хэрэглэдэг учир  зүрхэнд янжуураас ч илүү муугаар нөлөөлдөг  байна.

Энэхүү судалгаанд 30-аас дээш насны 24 эрүүл эрэгтэй, эмэгтэй хүнийг оролцуулжээ.