Хөл хүнд загвар өмсөгч Блак Чайна “Paper” сэтгүүлийн нүүрийг нүцгэн зургаараа чимжээ. Реалити шоуны од Ким Кардашианы дүү Роб Кардашиантай энэ оны нэгдүгээр сараас болзож эхэлсэн бүсгүй саяхан сүй тавьж, хөл хүнд болсноо зарласан.

Энэ нь түүний хоёр дахь жирэмслэлт. Тэрбээр өмнө нь реппер Тайгатай сүй тавьж явсан бөгөөд тэдний дундаас нэг хүү төрсөн юм. Гэвч хамтын амьдрал нь бүтэлгүйтэж, хүүгээ эдүгээ Чайна өөр дээрээ өсгөж буй. Харин түүний хүүгийн эцэг Тайга Роб Кардашианы дүү Кайли Женнертэй үерхдэг юм.  

Тэдний толгой эргэм, дурлалын гурвалжинг энгийн хүн ойлгоход ч бэрх. Ямартай ч, модель бүсгүй хөл хүнд нүцгэн зургаараа ийнхүү сэтгүүлийн нүүрт гарчээ. Түүний энэ зураг тус сэтгүүлийн ирэх сарын дугаарыг чимнэ.