Эрүүл мэндийн яамнаа коронавируст халдварын талаарх нөхцөл байдлын мэдээллийг хүргэж байна. Сүүлийн 24 цагт 1015 тохиолдол шинээр бүртгэгдсэн бөгөөд бүгд дотоодын халдвар байна. Орон нутагт 103 тохиолдол, зөөвөрлөгдсөн 16, эмнэлгээс хамаарах 1, нийслэлд 895 тохиолдол халдвартай нь батлагджээ. Нас баралт хоёр бүртгэгджээ. 

Орон нутагт халдварын тохиолдол өндөр бүртгэгдсэн нь Орхон аймагт 21, Дархан аймагт 14,  Говь-Алтай  13, Сэлэнгэ аймагт 4, Төв аймагт 14, Завхан аймагт 23, Өвөрхангай 3 тохиолдол бүртгэгдсэн. Мөн сүүлийн 24 цагт 1401 хүн эдгэрчээ. Ийнхүү Монгол Улсад нийт хүн халдвар авсан хэмээн бүртгэгдсэнээс 24333 нь эдгэрчээ. Эмнэлэгт 4869 хүн эмчлүүлж байгаагаас 2717 хүний биеийн байдал хөнгөн, 1545 хүндэвтэр, 486 хүнд, 121 маш хүнд байна.