Мэргэжлийн хяналтын газраас "Ковид19-ийн халдвараас сэргийлэх арга хэмжээг зохион байгуулах түр журам”, аймаг, нийслэлийн Засаг даргын баталсан захирамжууд, түр журам, тусгай нөхцөл, шаардлагыг хангуулахаар улсын хэмжээнд нийт 522 аж ахуйн нэгж байгууллага, иргэнийг хамруулан хяналт шалгалтыг хийж гүйцэтгэжээ. Шалгалтаар халдвар хамгааллын дэглэм мөрдүүлээгүй, хүнсний аюулгүй байдлыг хангуулаагүй 566 зөрчлийг илрүүлж, 54 хувийг арилгуулж албан шаардлага, зөвлөмжийг аж ахуйн нэгж, байгууллагуудад хүргүүлэв. Илэрч буй зөрчлийн дийлэнх нь ажилтан болон үйлчлүүлэгчийн COVID 19 QR verity апликейшнээр QR код уншуулж, вакцины тун бүрэн авсан эсэх, эмнэлгийн магадалгааг шалган нэвтрүүлэх ажилтан томилж ажиллуулаагүй, хөдөлгөөнийг нэг чигийн урсгалтай байхаар зохион байгуулж, чиглүүлэгч бүхий тэмдэг тэмдэглэгээ хийгээгүй, үйлчилгээний ажилчид дархлаажуулалтын хоёр тунд бүрэн хамрагдаагүй зэрэг зөрчлүүд байжээ.