Засгийн газрын хуралдаанаар гаргасан шийдвэрийн талаар Ерөнхий сайдын хэвлэлийн төлөөлөгч Ч.Болортуяа танилцуулав. Тэрээр "ЭМЯ-наас 12-15 насны хүүхдүүдийг файзер вакцинд хамруулах төлөвлөгөөг танилцуулсан. Засгийн газрын зүгээс энэ асуудалд нухацтай хандаж, шийдвэр гаргалаа. Үйлдвэрлэгч компаниас 12-оос дээш насны хүүхдүүдийг вакцинжуулах зөвлөмж ирүүлсэн. Мөн ДЭМБ болон холбогдох байгууллагуудад хүсэлт тавьж, зөвшөөрөл авсан. Албан ёсны зөвлөмж энэ долоо хоногт албажиж ирнэ. Ингэснээр ирэх даваа гарагаас 12-оос дээш насны хүүхдүүдийг дархлаажуулж эхэлнэ. Улсын хэмжээнд 12-17 насны 290 мянга орчим хүүхэд байдаг. Өөрөөр хэлбэл, хүн амын10 орчим хувийг нэмж дархлаажуулах боломж үүсэж байна" гэлээ.