Коронавируст халдварын тархалтын нөхцөл байдлын талаар ЭМЯ, ХӨСҮТ-өөс мэдээллээ.

Энэ үеэр ХӨСҮТ-ийн Тандалт, судалгааны албаны дарга А.Амбасэлмаа "Нэгдүгээр сарын 27-нд нийт 15202 хүнд PCR шинжилгээ хийхэд 25  хүнээс коронавирус илэрсэн.5 тохиолдол Улаанбаатарт бүртгэгдсэн. Баянзүрх дүүргийн Х apartment  байрны дөрвөн хүний шинжилгээнд халдвар илэрсэн. Тус байрны СӨХ-ны ажилчдаас халдвар илэрсэн байна.

Улаанбаатар хотоос Дархан-Уул аймаг руу тээвэрлэлт хийсэн хүнээс халдвар илэрсэн.  Тэрээр 23-нд PCR шинжилгээ өгөн эерэг гарч 27-нд Дархан-Уул аймаг руу явсан байна. Өчигдөр түүний шинжилгээнээс халдвар илэрсэн учраас Улаанбаатарт авчирч эмчилж байна.

Бусад нь батлагдсан тохиолдлын ойрын хавьтал ажиглан тусгаарлах байранд тусгаарлаж байсан хүмүүсээс халдвар илэрсэн.

Улсын хэмжээнд голомтлон гараад байгаа хэсэгт нийтдээ 1187 тохиолдол бүртгэгдсэн. Нийт өссөн дүнгээр хэлбэл, 

• ·         Улаанбаатарт 861
• ·         Сэлэнгэ аймагт 217
• ·         Орхон аймагт 25
• ·         Дархан-Уул аймагт 45
• ·         Дорноговь аймагт 32
• ·         Говьсүмбэр аймагт 4
• ·         Архангай аймагт 3

Монгол Улсад коронавирусийн батлагдсан нийт тохиолдол 1692 байгаагаас эдгэрсэн 1244 хүн байна.

Өчигдөр 8 хүн эмчлэгдэн гэртээ гарсан.

Цэргийн төв эмнэлэг,  Хан-Уул дүүргийн 300 ортой эмнэлэг, Сэлэнгэ аймгийн нэгдсэн эмнэлэг, ХӨСҮТ-д нийтдээ онош нь батлагдсан 435 хүн эмчлүүлж байна" гэлээ.