Монголын зохиолчдын эвлэлээс жил бүр уламжлал болгон зохион байгуулдаг богино өгүүллэгийн “Утгын чимэг” наадам зарлагдлаа. Бүтээлүүдийг энэ сарын 15-наас арваннэгдүгээр сарын 15-ныг дуустал Монголын зохиолчдын эвлэлийн 206 тоот өрөөнд хүлээж авах аж. Уг наадамд оролцох бүтээл нь сэдвийн хувьд өргөн хүрээг хамарсан, туурвил зүйн шинэ эрэлхийлэл болсон, өмнө нь хэвлэгдэж, цахим орчинд нийтлэгдэж байгаагүй өгүүллэг байхыг анхаарууллаа. Уг наадмыг 1990 оноос "Шувуун саарал" нэртэйгээр зохион байгуулж, оны богино хэмжээний шилдэг хүүрнэл  зохиолыг шалгаруулж эхэлсэн бөгөөд 1993 оноос “Утгын чимэг” хэмээн нэрээ өөрчилжээ. Уг наадмыг 2001-2004, 2007-2008 онд түр завсарласнаас хойш жил бүр тогтмол зохион байгуулж байна.