“Катар-2022” хөлбөмбөгийн ДАШТ-ий зургаа дахь өдрийн тоглолтууд үргэлжилж байна. Өнөөдөр В хэсгийн хоёр дахь тоглолтууд болж байгаа бөгөөд тус хэсэгт Иран, Уэльс, Англи, Америк гэсэн багууд орсон юм.

Энэ хэсгийн гурав дахь тоглолт Иран болон Уэльсын багууд болж 2-0 харьцаагаар Иран хожлоо. Уэльсийн хаалгач Уэйн Хеннеси Ираны багийн довтлогч дээр алдаа гаргаж талбайгаас хөөгдсөн бөгөөд энэ нь энэ удаагийн ДАШТ-д улаан хуудас авсан эхний тоглогч Хеннеси болов.

Улмаар хүний илүү гарсан Иранчууд 90+8 минутад Ираны хамгаалагч Рузбех Чешми оруулжээ. Гоол алдсан Уэльс хүн дутуу довтлох үед дахин 90+11 минутад Резаян гоолджээ.

Иран баг хэсгийн сүүлийн тоглолтоо арваннэгдүгээр сарын 30-ны Лхагва гарагийн шөнө 03:00 цагт  АНУ эсрэг тоглох бол Уэльсын баг арваннэгдүгээр сарын 30-ны лхагва гарагийн шөнө 03:00 цагт Английн эсрэг тоглоно.