Аймгийн Засаг даргын 2020-2024 оны үйл ажиллагааны хөтөлбөрийн 2022 оны гүйцэтгэлийн урьдчилсан  биелэлтийг ИТХ-ын ээлжит XIII-аар хуралдаанаар хэлэлцэж, төлөөлөгчид 100 хувь дэмжиж,  хангалттай сайн гэж дүгнэлээ.  Засаг даргын Үйл ажиллагааны хөтөлбөрийг боловсруулан 2020 оны 11 дүгээр сарын 30-ны өдөр хуралдсан Аймгийн Иргэдийн Төлөөлөгчдийн Хурлын ээлжит II хуралдаанаар хэлэлцүүлж батлуулсан билээ. 

 “Эрдэнэт хүн - Хүний хөгжлийн цогц бодлого”, “Эрдэнэт хот – Хотын хөгжлийн цогц бодлого”, “Эрдэнэт хүч – Хөгжлийн алсын хараа” гэсэн 3 үндсэн бодлогыг хамруулан үндсэн 8 бүлэг асуудлын хүрээнд 124 зорилтыг хэрэгжүүлэх ажлыг зохион байгуулсан. 
Өнөөдрийн байдлаар хүлээгдэж байгаа гүйцэтгэлээр тооцож үзэхэд аймгийн Засаг даргын Үйл ажиллагааны хөтөлбөрийн тухайн жилийн биелэлт 84.8 хувьтай дүгнэгдлээ. 

 2022 онд гадаад, дотоодын түнш, олон улсын хандивлагч байгууллагуудтай харилцаа холбоогоо нэмэгдүүлсэн, аймаг орон нутгийн ирээдүйн хөгжилд чиглэсэн олон төслүүдийг шинээр эхлүүлсэн, хамтран ажиллаж харилцаагаа шинэ шатанд гаргасан, Эрдэнэт хотын хэмжээнд орон сууцжуулах төслүүд эрчимжсэн, зайлшгүй шинэчлэх шаардлагатай болон шинээр барих шаардлагатай эрчим хүчний болон ус дулаан түгээх инженерийн шугам сүлжээний ажлуудыг гүйцэтгэсэн, ногоон байгууламжаа нэмэгдүүлсэн, хог хаягдлын менежментийг сайжруулан иргэд аж ахуйн нэгжүүдтэй хамтран ажилласан, цахим аймаг, хот болох ажилд ахиц дэвшил гарсан, камержуулалтыг нэмэгдүүлсэн, нийгмийг соён гэгээрүүлэх ажлыг шинэлэг хэлбэрээр зохион байгуулсан, төрийн үйлчилгээг цахимжуулахад бусад аймгуудаа түүчээлсэн он байсан талаар илтгэлд дурьдлаа.