Монгол-Оросын хувь нийлүүлсэн нийгэмлэг УБТЗ-ын Ерөнхий хороо ОХУ-ын Москва хотноо хуралдаж байна. Тус хурлаар УБТЗ-ын үйл ажиллагаатай холбоотой хэд хэдэн асуудал хэлэлцэх  бөгөөд замын даргын томилгоотой холбоотой асуудал олны анхаарлыг татаад буй. УБТЗ-ын даргаар ОХУ-ын талаас өөрийн хүнийг томилох сонирхолтой байгаа хэдий ч Зам, тээврийн хөгжлийн яамнаас монгол хүн томилох тал дээр ихээхэн анхаарч байгаа юм.

УБТЗ-ын даргад Монголын талаас УИХ-ын гишүүн асан Д.Загджав, УБТЗ-ын орлогч дарга Д.Жигжиднямаа, Л.Халтар зэрэг хүмүүс нэр дэвшиж байгаа мэдээлэл байна.

ОХУ-ын талаас тавьж буй шаардлага нь гагцхүү мэргэжлийн хүн байх шаардлагатай бөгөөд энэхүү шаардлагыг хангахгүй тохиолдолд өөрийн талаас томилно гэдгээ илэрхийлээд байгаа аж.

 Цахим орчноор энэхүү томилгоотой холбоотой янз бүрийн мэдээлэл гараад байгаа ч баттай эх сурвалжийн мэдээлснээр тус албан тушаалд Д.Жигжиднямаа томилогдох нь тодорхой болжээ.