Хоккейн "Дэлхийн Цом"-ын тэмцээний аваргын төлөө Канад- Европын багууд үлдэж эхний тоглолтыг өнөөдөр хийлээ.

Тус тоглолтын эхний үе эхлээд удаагүй байхад Кросбигийн дамжуулалтаар Брад Марчанд салхийг хагалсан бол үүнээс арван минутын дараа Стив Стемкос хоёр шайбыг Европын хаалганд оруулжээ. Харин хоёрдугаар үед хагас шигшээд Шведийг буулгаж авахад гол тоглогч нь байж чадсан Томс Татар онооны харьцааг ойртуулсан ч гуравдугаар үед дахин нэг шайбыг алдсанаар тоглолт 3-1 харьцаагаар дуусчээ.

Цувралын хоёр дахь тоглолт энэ сарын 30-нд болно.