Монголын бүх ард түмний спортын өвлийн 16 дугаар их наадам, Монголын хүүхдийн спортын өвлийн долоодугаар наадам "Нөхөрлөл-Тэмүүлэл-Амжилт" уриан дор хоёрдугаар сарын 6-13-ны өдрүүдэд Орхон аймагт болно. Улсын хэмжээний хоёр томоохон өвлийн спортын наадмыг орон нутагтаа зохион байгуулснаар аймаг орон нутгаа сурталчлах, жижиг дунд бизнес эрхлэгчдийнхээ эдийн засгийг сэргээх зэрэг олон ач холбогдолтой. Хүүхдийн наадмын спортын лого нь алтан соёмбот үсгийн нар, сар, гал гурвын дүрслэлтэй. Наадмыг өвлийн олимпын наадмын хөтөлбөрт багтдаг гүйлтийн цана, уулын цана, гүйлтийн тэшүүр, шорт трейк, шайбтай хоккей, снөүборд гэсэн зургаан спортын төрлийн зай, ангиллаар зохион байгуулана гэж Биеийн тамир спортын хорооноос мэдээллээ.