Үргэлжлэн орсон аадар борооны улмаас Сэлбэ голын далан сэтэрч өчигдөр Баянзүрх дүүргийн 43-р хорооны нутаг дэвсгэрт байрлах 27 орон сууцны В1 давхар, гарааш, Баянмонгол хорооллын нүхэн гарц, “S outlet дэлгүүр орчим үерийн усанд автсан. Нийслэлийн Онцгой комисс шуурхай ажиллаж далан босгосон.

Гэвч өнөөдөр тухайн хэсгийг эсрэг талынх нь далан сэтэрч "Буян" компани орчим усанд автжээ. Энэ хэсэгт шороо, элсээр далан босгож шуурхай арга хэмжээ авахад шаардлагатай машинууд түгжрэлд орж нөхцөл байдал амаргүй байгаа талаар нийслэлийн Хэвлэл мэдээллийн албанаас мэдээллээ. Тиймээс иргэд шаардлагагүй бол машинаа орхиж, хөдөлгөөнд ачаалал нэмэхгүй байхыг хотын захиргаанаас уриалж байна.