Автобусны асуудлыг шалгахаар Авлигатай тэмцэх газар, Эрүүгийн цагдаагийн алба, Мөрдөн байцаах албаны хамтарсан Ажлын хэсэг гарчээ.

Ажлын хэсэг импортоор оруулж ногоон автобустай холбоотой хэрэг дээр ажиллаж байгаа бөгөөд өнгөрсөн шөнө "Тэнүүн-Огоо" ХХК-ийн захирал Г болон Э, Нийслэлийн худалдан авах ажиллагааны газрын Т болон Б нарын 4 хүнийг түр саатуулан шалгаж эхэлжээ.

Ташрамд мэдээлэхэд, автобусны парк шинэчлэлийн ажилд оролцохоор нийт долоон компани санал ирүүлснээс хамгийн хямд, багцын үнэ санал болгосон “Тэнүүн-Огоо” ХХК гүйцэтгэгчээр шалгарчээ. Гүйцэтгэлийн гэрээний дагуу 2023 онд нийт шинэ 810 автобус нийлүүлэх, тухайн автобуснууд нь стандартын шаардлага хангасан байхыг тусгасан. Гэвч одоогоор гэрээний дагуу 100 автобус Улаанбаатар хотод ирсэн байгаа бөгөөд эдгээр автобус нь стандартын шаардлага хангахгүй байгаа нь шүүмжлэл дагуулаад байна.

Автобусны парк шинэчлэл хийх ажлыг Нийслэлийн Худалдан авах ажиллагааны газар зохион байгуулсан юм.