Тэртээ 1940 оны аравдугаар сарын 9-нд британийн рок-хөгжимчин, дуучин, яруу найрагч, хөгжмийн зохиолч, алдарт The Beatles хамтлагийг үүсгэн байгуулагчийн нэг Жон Леннон мэндэлжээ. Хөгжмийн зүтгэлтнээс гадна Жон Леннон улс төрийн идэвхтэн байснаар үзэл бодлоо өөрийн дуунаас гадна олон нийтийн өмнө хэлсэн үгэндээ илэрхийлдэг байсан байна. Дэлхий дахинд энх тайван тогтоох ёстой гэсэн үзлээ алдарт "Imagine” дуундаа илэрхийлсэн байдаг. 

Мэдээллийн ВВС корпораци 2002 онд британийн бүх цаг үеийн агуу хүмүүсийн нэрлэх асуулга явуулахад Жон Леннон наймдугаар байрт орж байжээ. Мөн Rolling Stone сэтгүүлээс явуулсан “Бүх цаг үеийн 50 агуу дуучин” асуулгад The Beatlesийн бүрэлдхүүнд орсон бол өөрөө 38 дугаарт жагссан гэдэг. Жон Леннон 1980 оны арванхоёрдугаар сарын 8-нд өөрийнхөө байшингийн орцны үүдэнд алуулсан юм. 

Эх сурвалж: Монголын мэдээ сонин
2023 оны аравдугаар сарын 09. Даваа. №156 (5884)