Өвөрхангай аймгийн Сант суманд улсын төсвийн 1,3 тэрбум төгрөгийн санхүүжилтээр "Сод-Ээл" ХХК гүйцэтгэсэн 15 ортой Эрүүл мэндийн төвийн шинэ барилга ашиглалтад орлоо.

Хуучин эмнэлгийн барилга нь 1962 онд ашиглалтад орж байсан бөгөөд хэвийн үйл ажиллагаа явуулах боломж, нөхцөлгүй болсон байсан. Шинэ байр ашиглалтад орсноор төрөхийн өмнөх болон дараах өрөө гэхчлэн эрүүл мэндийн анхан шатны тусламж үзүүлэх стандарт шаардлагыг хангаж байгаа юм.

Тус барилгын нээлтийн үеэр Эрүүл мэндийн төвд 23.5 сая төгрөгийн тоног төхөөрөмж хүлээлгэн өглөө.

Сант сумын эрүүл мэндийн төвд 19 эмч, эмнэлгийн мэргэжилтэн, албан хаагчид ажиллаж, сумын 3600 гаруй хүн амд эрүүл мэндийн анхан шатны тусламж үйлчилгээг үзүүлж байна.