Анхан шатны шүүхээс Zarig.mn сайтын үүсгэн байгуулагч, сэтгүүлч Н.Өнөрцэцэгт 4 жил 9 сарын хугацаагаар хорих ял оноосон. Давж заалдах шатны шүүх хурал өнөөдөр (2024.11.07) болно.

Н.Өнөрцэцэг болон түүний өмгөөлөгч нарын зүгээс шүүх хурлыг нээлттэй явуулах хүсэлтийг шүүхэд гаргасан ч хүлээн аваагүй. Хэрэв хуулийн хүрээнд бүхэлд нь нээлттэй явуулах боломжгүй бол хэсэгчлэн буюу төрийн нууцтай хамааралтайгаас бусад хэргийг нээлттэй шүүхийг хүссэн ч мөн хүлээж авах боломжгүй гэж тайлбарласан.

Иймд давж заалдах шатны шүүх хурлыг бүхэлд нь хаалттай явуулах гэж буй юм. Н.Өнөрцэцэг шүүх хурлыг нээлттэй явуулахаар хорих ангидаа өлсгөлөн зарласан бол түүний ар гэрийнхэн мөн Хэлмэгдэгсдийн хөшөөний өмнө талбайд суулт зарласан.

Шүүх хурал Нийслэлийн эрүүгийн хэргийн давж заалдах шатны шүүхэд 10:00 цагт эхэлнэ. Н.Өнөрцэцэг шүүх хуралд биечлэн оролцох бөгөөд түүнийг шүүхийн байранд хүргэж иржээ.