NBA-ын талбайд найман тоглолт боллоо. Өнөөдрөөс эхэлж NBA-ын улиралд дундах цомын тэмцээн эхэлж байгаа бөгөөд хамгийн сонирхолтой тоглолт Голдэн Стэйт Уорриорс баг талбайдаа дөрвөн удаагийн аваргын цомд хүргэсэн Клэй Томпсонг Даллас Мавирекс багийн өмсгөлтэй хүлээн авч тоглолоо. 

Тоглолтын эхлэлийг талбайн эзэд гайхалтай хийж эхний үе дуусахад зургаан оноогоор тэргүүлж байсан ч хоёрдугаар үед 10 оноог дутуу авч дөрвөн оноогоор хожигдож дуусгажээ. Улмаар гуравдугаар үед 11 оноог илүү авч таван оноогоор тэргүүлж дуусгаж шийдвэрлэх үед тэргүүллээ алдалгүй явсаар 117-120 харьцаагаар Уорриорс хожлоо. Улмаар улирлыг есөн хожил, хоёр хожигдолтой болж өрнөд бүсийн гуравт бичигдэж байгаа бол Мавирекс таван хожил, зургаан хожигдолтой болж өрнөд бүсийн 11-рт эрэмбэлэгдэж байна. 

Тус тоглолтод Стифэн Көрри 37 оноогоор багаа тэргүүлсэн бло ДиАнтони Милтон 14 оноо, сэлгээнээс Жонатон Куминга 16 оноог авчээ. Эсрэг багаас Лука Дончич 31 оноогоор багаа тэргүүлсэн бол хуучин багийнхаа эсрэг тоглосон Клэй Томпсон 22 оноо, Кари Ирвинг 21 оноог авчээ.

Өнөөдөр болсон бусад тоглолтын үр дүн

Атланта Хокс 117-116 Бостон Селтикс
Миами Хит 121-123 Детройт Пистонс /нэмэлт цагт/
Шарлот Хорнетс 89-114 Орлондо Межик
Нью-Иорк Никс 111-99 Филадельфи 76
Торонто Репторс 85-99 Милоуки Багс
Финикс Санс 120-112 Юта Жазз
Даллас Мавирекс 117-120 Голдэн Стэйт Уориорс
Минносато Тимбэрволвис 108-122 Портлэнд Трэйл Блэйзэрс