NBA-ын талбайд арван тоглолт боллоо. Кливленд Кавальерс талбайдаа Бостон Селтикс багтай энэ улиралд дөрвөн тоглохоос хоёр дахь тоглолт нь өнөөдөр боллоо. Хоёр багийн өмнөх тоглолт нь 10 хоногийн өмнө Селтикс талбайдаа хүлээ авч эцсийн мөчид шийдэгдсэн бөгөөд энэ удаагийн тоглолт мөн л эцсийн мөчид шийдэгджээ. Тоглолтын эхний хагас хоёр онооны тэргүүллээр талбайн эздийн давамгайлсан бол гуравдугаар үед Селтикс 14 оноог илүү авч тэргүүлж дуусгажээ. Харин шийдвэрлэх үед Кавальерс гайхалтай эргэн ирэлтийг хийж 111-115 харьцаагаар талбайдаа буулгаж авчээ.

Улмаар улирлын 18 дахь хожлоо байгуулж дорнод бүсийг тэргүүлж байгаа бол тэдний араас Селтикс 16 оноо, дөрвөн хожигдолтойгоор бичигдэж байна.

Тус тоглолтод Донован Митчел 35 оноогоор багаа тэргүүлсэн бол Дариус Гарланд 22 оноо, 5 самбар 8 дамжуулалт, сэлгээнээс Жорж Нианг, Крис Ливэрт нар тус бүр 13 оноогоор тусалжээ. Эсрэг багаас Жэйстон Тэйтум 33 оноо, 8 самбараас бөмбөг авч багаа тэргүүлсэн бол Пристапс Порзингс 21 оноо, сэлгээнээс Пэйтон Притчард 24 оноогоор тусалжээ.

Өнөөдөр болсон бусад тоглолтын үр дүн

Орлондо Межик 100-92 Брүүклин Нетс
Индиана Пэйсэрс 121-136 Мемфис Гриззлис
Бостон Селтикс 111-115 Кливлэнд Кавальерс
Нью-Орлэйн Паликанс 85-118 Нью-Иорк Никс
Миами Хит 116-119 Торонто Репторс
Оклахома Сити Тандер 116-119 Хьюстон Рокетс
Лос Анжелес Лейкэрс 105-104 Юта Жазз
Даллас Мавирекс 137-131 Портлэнд Трэйл Блэйзэрс
Сан Антонио Спөрс 127-125 Сакермэнто Кингс
Денвер Наггетс 122-126 Лос Анжелес Клипперс