Кино зохиолч, найруулагч, продюсер А.Миеэгомбо өөрийн цахим хуудсандаа "Би зүгээр чин үнэнийг нь хэлэх үү?" гарчигтайгаар нийтэлжээ. Тодруулбал,

Би зүгээр чин үнэнийг нь хэлэх үү?

Бид үнэн мөнийн төлөө жагсаж болно оо. Тэмцэж болно оо. Болиулахын төлөө цуглаж болно оо. Зөв

Гагцхүү тэр жагсаалыг, тэр цугларалтыг өөрт ашигтайгаар эргүүлдэг, мушгидаг, зорилгыг нь өөрчилдөг фракц, бүлэглэл, намууд байдаг юм шүү! Тэгээд л ард иргэд бид аль нэг улс төрийн фракцын төлөөлөл болоод хувирчихдаг.

Захын жишээ нь 2022 онд болсон “Ажлаа хий” жагсаал ямар үр дүнд хүрсэн бэ? Хэнд ашигтай туссан бэ? Засгийн газар яг ажлаа хийсэн үү? Монгол Улсын хөгжил яаж өөрчлөгдсөн бэ? Би лав онцын өөрчлөлт олж хараагүй. Бүх зүйл бахь байдгаараа. Засгийн газар ч бахь байдгаараа. Сонгууль нь болдогоороо болоод л, лалрын томилгоонуудаа үргэлжлүүлдгээрээ үргэлжлүүлээд л, мөнгөтэйнүүд нь гишүүн болоод л дууссан. Үнэндээ бол “Ажлаа хийгээгүй” ш дээ! Түмэн олонд наалдсан зүйл өчүүхэн ч үгүй. Хэн нэгний захиалгат жагсаал байсан нь одоо илэрхий л болсон.

Тэгэхээр бидний гол зорилго бол хэрхэн яаж жагсаалаа булаалгахгүй байх вэ? Яаж улс төрчдийн гар хөл болдог зарим цагдаа хүчнийхэнд (хамгаалдаг хэдээс маань ангид нөхдүүд) жагсаалаа самруулахгүй байх вэ? Өөр тийш нь чиглүүлэгч инфлүсэр нэрт хэдэн Live-чдад хэрхэн яаж тархиа угаалгахгүй байх вэ? Эцсийн дүндээ жагсаал цуглааны шаардлагаа хэрхэн яаж тооцдог, нэхдэг байх вэ л гэдэг асуудал хамгийн чухал шүү!!!