Монгол Улсын Ерөнхийлөгчийн санаачилсан “Эрүүл Монгол хүн” үндэсний хөдөлгөөний хэрэгжилтийг хангах хүрээнд “Архины шалтгаант эмгэгийг илрүүлэг ба туслах, үйлчилгээний уялдаа” сэдэвт сургалт Баянгол дүүргийн иргэдийн Төлөөлөгчдийн Хурлын иргэний танхимд өнөөдөр боллоо.

Уг сургалтыг Монгол Улсын Ерөнхийлөгчийн Тамгын газар, Эрүүл мэндийн яам, Сэтгэцийн эрүүл мэндийн үндэсний төв, Баянгол дүүргийн Засаг даргын Тамгын газар хамтран зохион байгуулж байгаа юм.

Сургалтад дүүргийн ЗДТГ-ын харьяа газар, хэлтсүүд, 1-34 хорооны Засаг дарга, Өрхийн эрүүл мэндийн төвийн дарга, эмч нар, хороодын нийгмийн ажилтан, цагдаагийн албан хаагчид танхимаар болон цахимаар хамрагдаж байна.