УИХ-ын гишүүн Ч.Лодойсамбуу өөрийн цахим хуудсандаа сүүлийн үед гарсан бичлэгийн талаар нийтэлжээ. Тэрбээр

За яах вээ, харваас андашгүй хачин хачин зураг, бичлэгүүдээр бөмбөгдөж эхэлж байгаа нь цаанаа нэг учиртай. Би Эрүүгийн хуулиас илт худал мэдээлэл тараагчийг яллах заалтыг хасъя гээд хуулийн төсөл Их хуралд өргөн барьчихсан юм. Тэр заалтыг ашиглаж дуутай шуутай нэгнийг эрүүддэг дарга нар миний үйлдэлд үнэнхүү зэвүүцэж байгаа. Тэгээд өөрийг нь улайм цайм гүтгэхээр яахыг нь харъя л даа гэж байгаа хэрэг. Хүүхдийн санаа л даа

Харин ч сайн юм боллоо. Би яг л энэ учраас Эрүүгийн хуулиас тэр заалтыг хасъя гэж байгаа юм. Тэр зураг, бичлэгт нь хүмүүс итгэхгүй байгаа биз? Нийгэм яг ингэж л хөгжиж урагшилдаг. Хүмүүс нь аливаа мэдээлэлд эргэлздэг, өөрийн ухаанаар боддог ажилч хэрсүү болж байж л улс хөгжинө. Улс юм бол төрийнх нь бодлого хүмүүстээ хөгжих боломж олгоход л чиглэх ёстой. Тэрнээс ялын санкц нэмсээр байгаад хөгжчихсөн улс, нийгэм гэж дэлхийд байхгүй.

Худал мэдээлэл өөрөө хүчтэй юм биш. Тэрэнд шууд шүүлтүүргүй итгэдэг олны итгэл л хүч оруулдаг. Олонх нь эргэлздэг, анхдагч эх сурвалжийг эрж хайдаг, хэрэгтэй мэдээллээ баталгаатай эх сурвалжаас авахыг эрмэлздэг л болох, тийм болгох учиртай юм. Угаасаа ч харьцангуй хурдан хэрсүүжсэн байгааг энэ зураг, бичлэгт хандаж байгаа хүмүүсийн хандлагаас харж болно. Дэлхийд үүдээ нээгээд гучхан жил болж байгаа нийгэм харин ч хурдтай хөгжиж байна. Улам хурдтай өөрчлөгднөө. Гоё болно. Дээрээс нь эхлүүлнэ, үзүүлнэ, түүчээлнэ